PASLIAHAN

Mog; tong jeg metaluh nyuh nyamane jani…..!
Talo; artine?
Mog; tombong alias sombong…!
Talo; ajak cang ci ngomong to?
Mog; asing, ne ajak betone…

Hahaha, I Mog kanti maulinan jitne naenang emeh basangne teken Talo. I talo mule dueg ngalih timpal, kuala bongol ajak bogbogne mepalu. Asel kepentingan, mare je rungu.

Mog; men kenken jani ne boz? Sing ngidang approve proposal sik ne?
Talo; beh bungut ce maenglis ngomong, jeg carah bule sukak dingeh wake, hahahaha
Mog; tong jeg awak beneh metakone. Sube medaar ce ne?
Talo; ape ade di paon?
Mog; toooooh….., bagian keto jeg celang kupingne. To ade sambuk gen di paon.
Talo; adah ce henk ne?
Mog; ngudiang henk orang ce wae?
Talo; ngleklek sambuk tanjen ce war?! Bungut jleme to ngomong???
Mog; adah men ce metakon ape ade di paon koneh. To agen asing adeng tanjen wae.
Talo; bih nyak asane nah…..

Satua ngelantur pakrubuk sambil makedekan. Talo lan Mog kekantian uling keplesan ene mula jeg sing ngitungang galah yan sube maan ngorto.

Talo; jani ape cocok kembangan buin di desa ne nah?
Mog; adah ce nyem ape engken ne?
Talo; adi jeg nyem?
Mog; men sajan ne. Wae uling tuni nakonang proposal ajak ce. Ce ajak  wae ngorto uling tuni, kuping ce dije???
Talo; mimih jeg kenyat2 kene pesu nah?
Mog; ne mare a ukud ngenyatin ce, buin sade wae ane sube buka menyame ajak ce.
Talo; nah2 santae man……… Men ken propos ce ne?
Mog; ne boz…….
Talo; mimih, ngudiang ce ngae proyek buka kene? Ngidang kal mejalan ne?

Kriiiiiiing’ hp Talo sibuk. “Ok boz mangkin merika”. Keto pamuputne talo ngomong di hp.

Talo; ne propos pending malu nah man, jani ade miting penting bedik.
Mog; ok, mejalan sube boz.

Talo megedi.
Mog; kaki kakine jlemane totonan. Pang telung PILMUM sube liwat, awake jeg pragat aji pending ajak masih diusahakan doen. Ape kaden anggone kuping to? Jeg heran atie, monto anake masesimbing jeg ngidang sing peduli. Cuek bebek, bongol lakon munyi jak tai doen maure. Ne sube madan jleme, artine jele melah. Kudiang men, yen rage dadi boz bise milu masi carah keto,whahahahaha.
Kewala ingetang, karmane jani nak ngetih sajan. Amongken liange amonto sebete, yen rage jeg sing sube. Kanggoang biase biase doen.

Pekak; Man……….
Mog; titiang…….!

Adah ne panggilan alam ne, pasti licitan sube ejit nak lingsir ne, Hahahaha
Nah kanggoang malu mone doen, benjangan lanturang malih……
(Puput)

(I Wayan Kertayasa)